ښاغلی سید کریم هاشمي، د افغانستان د سوداګرۍ او پانګونې اتاق عمومي رئیس، له ښاغلي محمد ابراهیم رسولی او د خیرخواه مارکېټ د اورلګېدنې له ځینو متضررینو سره وکتل.

ښاغلي رسولي خپلې شته ستونزې د اتاق له عمومي رئیس سره شریکې کړې او ترې یې وغوښتل چې د هغو د حل لپاره د اړوندو حکومتي ادارو په همغږۍ ځانګړې پاملرنه وکړي.

ښاغلي هاشمي، د هغوی د ستونزو د اورېدو وروسته، ورڅخه یې غوښتنه وکړه چې خپلې ټولې ستونزې په لیکلي ډول اتاق ته وسپاري، تر څو د حل لپاره یې هڅې وشي.

 

 

 

 

 

 

ښاغلي سید کریم هاشمي، د افغانستان د سوداګرۍ او پانګونې اتاق عمومي رئیس، د حیرتان د نفتو د موادو د اتحادیې له رئيس ښاغلي عبدالمؤمن ضیایي او د هغه له ملګرو سره د اتاق په مرکزي دفتر کې وکتل.

ښاغلي ضیایي، ښاغلي هاشمي ته د افغانستان د سوداګرۍ او پانګونې اتاق د عمومي رئیس په توګه د ټاکل کېدو مبارکي او نیکې هیلې وړاندې کړې او همدارنګه یې خپلې شته ستونزې د عمومي رئیس سره شریکې کړې. نوموړي له ښاغلي هاشمي وغوښتل چې د اړوندو حکومتي ادارو په همغږۍ کې د دوی د ستونزو د حل لپاره جدي پاملرنه وکړي.

ښاغلي هاشمي، ښاغلي ضیایي او د هغه د ټیم راتګ اتاق ته هرکلی ووایه او د ټلیفوني خبرو پر مهال یې د یاد شوي سکتور ستونزې د افغانستان د لوی نظارت له محترم مقام سره شریکې کړې او ترې یې وغوښتل چې د سوداګرو د ستونزو په حل کې همکاري وکړي. هغه د هېواد د خصوصي سکتور د ستونزو د حل په برخه کې د اتاق له هر اړخیزې همکارۍ ډاډ ورکړ.

 

 

 

 

 

 

ښاغلي سید کریم هاشمي، د افغانستان د سوداګرۍ او پانګونې اتاق عمومی رئيس، له ښاغلي خسرو فضلي، د غضنفر بانک عامل رئيس او د هغه له مل ټیم سره په مرکزي دفتر کې ولیدل.

ښاغلي فضلي د بانکي سکتور ستونزې یاده کړې او د اتاق د همکارۍ غوښتنه یې وکړه. نوموړي همدارنګه سوداګرو ته د لا زیاتو بانکي اسانتیاوو د رامنځته کولو لپاره د خپلو هڅو ډاډ ورکړ.

ښاغلي هاشمي د خصوصي بانکونو رول او د غوره بانکي خدماتو وړاندې کول د هېواد په اقتصاد او سوداګرۍ کې مهم وبلل او زیاته یې کړه چې اتاق به د بانکي ستونزو د راټولولو او حل لپاره په نږدې راتلونکي کې د خصوصي بانکونو او د افغانستان بانک د مشرتابه په ګډون ناسته جوړه کړي. هغه له ښاغلي فضلي وغوښتل چې د بانکي سکتور لویې ستونزې په لیکلې بڼه اتاق ته وسپاري تر څو د حل لپاره یې هڅې وشي.

 

 

 

 

 

 

ښاغلي سید کریم هاشمي، د افغانستان د سوداګرۍ او پانګونې اتاق عمومي رئیس، له ښاغلي حاجي محمد ابراهیم محب، ملي سوداګر او د AIB بانک رئیس، ښاغلي حاجي نصیر احمد د نصیر احمد لمتید شرکت رئیس او له وتلو سوداګرو څخه، او ښاغلي مایل آغا خیرخواه د افغانستان د نړیوال اتاق رئیس او ملي سوداګر سره، د اتاق په مرکزي دفتر کې وکتل.

ښاغلي ابراهیم محب، نصیر احمد او مایل آغا خیرخواه د ښاغلي هاشمي د ټاکل کېدو مبارکي ورکړه او د اتاق له نوي مشرتابه سره د هر اړخیزې همکارۍ ډاډ ورکړ.

ښاغلي هاشمي، ملي سوداګرو ته د ښه راغلاست ویلو ترڅنګ، د اقتصادي ودې، د اسانتیاوو برابرولو، د پانګونې جلبولو او د خصوصي سکتور د ستونزو د حل په برخه کې خپل ژمنتیا څرګنده کړه او له ټولو افغان سوداګرو او پانګه‌والو یې د همکارۍ غوښتنه وکړه.

 

 

 

 

 

ښاغلي محمد یونس مهمند، د افغانستان سوداګرۍ او پانګونې اتاق لومړي مرستیال، د اتاق د کنفرانسونو په سالون کې له تازه مېوې صادروونکو سره وکتل او د دوی ستونزې یې واورېدلې.

د تازه مېوې صادروونکو، د اتاق د تلپاتې همکاریو څخه د ستاینې ترڅنګ، د افغانستان د تازه مېوې د فصل له رارسېدو او د هغې د صادراتو پر مهال د شته ستونزو په ځانګړې توګه د چابهار بندر له لارې هندوستان ته، یادونه وکړه او د دغو ستونزو د هوارولو لپاره یې د اتاق همکارۍ وغوښتې.

ښاغلي مهمند، د تازه مېوې صادروونکو د وړاندیزونو او ستونزو له اورېدو وروسته، په ځانګړي ډول د چابهار بندر او له دې لارې هندوستان ته د صادراتو په اړه، ژمنه وکړه چې د اتاق مشرتابه به د تازه مېوې صادروونکو ستونزې د حکومت له اړوندو ادارو، د چابهار بندر له مسوولینو او د هندوستان له چارواکو سره شریکې کړي او د حل په موخه به هېڅ ډول هڅه ونه سپموي. هغه زیاته کړه چې که اړتیا پېښه شي، د ستونزو د حل لپاره به د اتاق مشرتابه د یو شمېر تاجرانو سره یو ځای چابهار بندر ته سفر وکړي او د موجودو ستونزو او دوه اړخیزو همکاریو په اړه به له مسوولینو سره خبرې وکړي.