د افغانستان د سوداګرۍ او پانګونې اتاق د هېواد د سوداګرۍ پراختیا او پانګونې د جلب په موخه یوه مهمه غونډه ترسره کړه. دغه غونډه چې د اتاق په مرکزي دفتر کې جوړه شوې وه، پکې ښاغلي محمد یونس مهمند د اتاق لومړی مرستیال، ښاغلی خیرالدین مایل احمدي د اتاق سوداګریز مرستیال، ښاغلی خانجان الکوزی د مشرتابه پلاوي غړی او د افغان-پاک ګډ اتاق رئیس، ښاغلي سلطان محمد صافي، ضیاءالدین اچکزی، د اتاق د مشرتابه پلاوي غړي، ښاغلی میرزمان پوپل د عامل پلاوي د مالي او اداري مرستیال، او حضرت علي هده وال د ننګرهار د اتاق لومړی مرستیال، او همداراز د چین د سفارت مرستیال ښاغلی بو، د شین‌جیانګ د تولید او ساختماني ادارې استازي، او د دواړو هېوادونو سوداګر او پانګوال حاضر وو.

ښاغلي مهمند د چین د سفارت مرستیال او ورسره پلاوي ته د ښه راغلاست ویلو ترڅنګ د چین له دولت او سفارت څخه د افغان سوداګرو او ولس سره د دوامدارو مرستو او د ویزې اسانتیاو له امله مننه وکړه. نوموړي د اتاق د ۹۳ کلونو فعالیتونو او لاسته راوړنو په اړه معلومات ورکړل او له چین سره یې د درنو دوستانه او سوداګریزو اړیکو یادونه وکړه، په ځانګړې ډول د تیرو درې کلونو په لړ کې.

ښاغلي مهمند له چین سره د سوداګرۍ د بیلانس، په ځانګړي ډول د افغان کرنیزو تولیداتو د صادراتو د زیاتوالي پر اهمیت ټینګار وکړ. هغه د ټول هېواد د امنیت، د کوکنارو د کښت بندیدو، او د فساد له منځه تګ د پانګونې لپاره مناسب فرصتونه وبلل او د چین پلاوی یې د کرنې میکانیزه کېدو، د معادنو استخراج، او د برېښنا تولید برخو کې پانګونې ته وهڅاوه.

ښاغلي بو د خپل پلاوي د سفر اساسي هدف له افغان خصوصي سکتور سره د نظریاتو تبادله وبلله، او د شین‌جیانګ ولایت د اقتصادي ودې او پانګونې فرصتونو په اړه یې ګډونوالو ته معلومات ورکړل. نوموړي د اتاق همکاري د دواړو هېوادونو ترمنځ د اقتصادي او سوداګریزو اړیکو د پراختیا لپاره مهمه وبلله. هغه یادونه وکړه چې د روان میلادي کال په جریان کې به د شین‌جیانګ تولیدات نندارتون جوړ شي، او د اتاق له مشرتابه یې غوښتنه وکړه چې په دغه نندارتون کې برخه واخلي.

ښاغلي الکوزي چین د سیمې له لویو اقتصادي هېوادونو وباله او له د هغه هېواد د سفارت یې وغوښتل چې د واخان دهلېز د جوړولو لپاره ځانګړې پاملرنه وکړي، تر څو دواړه هېوادونه وکولی شي خپل سوداګریز تبادلات په چټکۍ سره ترسره کړي.

ښاغلي اچکزي د افغانستان اوسنی وضعیت د پانګونې لپاره مناسب وبللو او د چین له سوداګریز پلاوي یې وغوښتل چې له افغان سوداګرو سره په ځانګړي ډول په هغو برخو کې چې د افغان بازارونو اړتیا ده، ګډې پانګونې ترسره کړي.

د غونډې په پای کې، د ننګرهار د سوداګرۍ او پانګونې اتاق مرستیال حضرت علي هده وال، د هلال ګروپ رئیس، او د شین‌جیانګ د تولید او ساختماني ادارې رئیس ښاغلي ژو ژینګ ترمنځ د کرنې په برخه کې د همکاریو تفاهمنامه د اتاق د مشرتابه پلاوي او د چین د سفارت د مرستیال په شتون کې لاسلیک شوه.

 

 

 

 

 

 

د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند، د کابل او د چین د ارومچي ښار ترمنځ د آریانا هوايي شرکت اونیزو سوداګریزو الوتنو د پيل په مناسبت په مطبوعاتي ناسته کې ګډون وکړ. دا ناسته د کابل ګراند هوټل کې د معادن او پټرولیم وزیر، د افغانستان بانک عمومي رئیس، د بهرنیو چارو او مالیې وزارتونو معینانو، د چین د خلق جمهوریت سفیر، او د آریانا هوايي شرکت رئیس په حضور کې جوړه شوې وه.

ښاغلي مهمند د آریانا هوايي شرکت د پخوا فعالیتونو او د څلورو لسیزو جګړو له امله رامنځته شویو ستونزو یادونه وکړه او ویې ویل چې خوشبختانه آریانا شرکت په تېرو درې کلونو کې توانېدلی خپل پخوانی ظرفیت بېرته تر لاسه کړي. نوموړي د کابل – ارومچي د مستقیمو اونیزو الوتنو پیل د افغانستان او چین ترمنځ د سوداګریزو او اقتصادي اړیکو په پراخېدو کې یو مثبت ګام وباله او هیله یې څرګنده کړه چې د هوايي سوداګرۍ او اورګاډي لارو تر څنګ، د واخان دهلېز هم وکولای شي د سوداګرۍ او ترانزیت د وصل یوه مهمه لاره شي او له افغانستانه د چین له لارې اروپا ته وصل رامنځته کړي. نوموړي له چین څخه وغوښتل چې د واخان دهلېز پراختیا ته پاملرنه وکړي.

ښاغلي مهمند د چین سره مستقیمې سوداګریزې – اقتصادي اړیکې د افغانستان د اقتصاد او سوداګرۍ د ودې لپاره مهمې وبللې او زیاته یې کړه چې افغان سوداګر چې له چین سره سوداګري کوي، د کابل – ارومچي د الوتنو هرکلی کوي او له دې لارې به خپلو صادراتو ته، په ځانګړي ډول د جلغوزیو په برخه کې، دوام ورکړي. نوموړي له چین څخه د ویزو د ورکړې د آسانتیاوو او همداراز د تېر دوه کلونو په ترڅ کې د صادراتي توکو، په ځانګړي ډول د شکرپاره لپاره د تعرفو د تخفیف له امله مننه او قدرداني وکړه، او د دواړو هېوادونو د خصوصي سکتورونو ترمنځ د لا همکارۍ غوښتنه وکړه.

ښاغلي مهمند د چین د یووې ښار کې د افغان سوداګرو او شرکتونو د فعالیتونو یادونه وکړه او له د چین دولت او آریانا شرکت څخه یې غوښتنه وکړه چې د کابل – یوو لپاره هم په اونۍ کې یوه الوتنه ځانګړې کړي.

د آریانا هوايي شرکت رئیس وویل چې دوی به خصوصي سکتور ته لومړیتوب ورکړي او هر اړخیزه همکاري به ورسره وکړي.

د چین محترم سفیر وویل چې د افغانستان او چین ترمنځ سوداګرۍ ۱۹ سلنه ډېروالی موندلی او ژمنه یې وکړه چې د چین سفارت به له افغان خصوصي سکتور سره هر ډول همکاري وکړي.

 

 

 

 

 

 

د افغانستان د سوداګرۍ او پانګونې اتاق لومړی مرستیال ښاغلی محمد یونس مهمند، د اتاق د مشرتابه پلاوي غړو ښاغلو خانجان الکوزی د افغان-پاک ګډ اتاق رئیس، سلطان محمد صافي د اتاقمدیره پلاوي غړی، احمد شاه حکیمي د کابل د سوداګرۍ اتاق لومړی مرستیال او میر زمان پوپل د عامل پلاوي د مالي او اداري چارو سرپرست مرستیال سره یو ځای، د روسیې د داغستان جمهوریت د سوداګرۍ او صنایعو اتاق له مرستیال ښاغلي ارسلان علي او د هغوی له مل پلاوي سره، چې پکې ښاغلی محمد آجان حبیبي د زال زر شرکت رئیس هم شامل و، د اتاق په مرکزي دفتر کې لیدنه وکړه.

په دې لیدنه کې د ګډو سوداګریزو او پانګوالو همکاریو د پراختیا په اړه مفصل بحث وشو. ښاغلي ارسلان د داغستان د اتاق د فعالیتونو په اړه معلومات وړاندې کړل، ویې ویل چې دا اتاق له ۲۰ زیاتو هیوادونو سره سوداګري کوي او په ۱۸ سکتورونو کې فعال دی. هغه د افغان او داغستاني سوداګرو ترمنځ د پانګونې او سوداګرۍ پراخولو ته د داغستاني پانګه‌والو لیوالتیا څرګنده کړه.

ښاغلي ارسلان وویل، چې له افغانستان څخه د لا زیاتو معلوماتو تر ترلاسه کولو وروسته به له یوه پلاوي سره کابل ته راشي څو له افغان سوداګرو سره د تفاهم‌لیکونو د لاسلیک او همکاریو په اړه خبرې وکړي. نوموړي په کابل کې د روسي محصولاتو ځانګړی نندارتون جوړولو ته هم چمتووالی وښود او د دې لپاره یې د اتاق همکاري وغوښته.

ښاغلي مهمند د داغستان د اتاق مرستیال او د هغوی پلاوي ته د ښه راغلاست ویلو تر څنګ د افغانستان د سوداګرۍ اتاق د ۹۳ کلنو فعالیتونو په اړه مفصل معلومات ورکړل. هغه د افغانستان د اوسني امنیتي وضعیت، د فساد له منځه وړلو، او د کوکنارو د کر پراخ بندیز له امله د کورنیو او بهرنیو پانګه‌والو لیوالتیا زیاته وبلله.

نوموړي د امام ابو حنیفه (رح) د ملي او نړیوال نندارتون په اړه هم معلومات ورکړل، چې هر کال به په کابل کې جوړېږي، او د داغستان د اتاق له مرستیال څخه یې وغوښتل چې داغستاني سوداګر دې نندارتون ته وهڅوي، چې ښاغلي ارسلان هم دا غوښتنه ومنله.

ښاغلي الکوزي د افغانستان او روسیې ترمنځ د پخوانیو سوداګریزو اړیکو یادونه وکړه او ویې ویل چې په افغانستان کې د نویو بدلونونو له امله، له روسیې سره سوداګریزې اړیکې پراخې شوې دي. هغه د داغستان د اتاق له مرستیال څخه وغوښتل چې پانګه‌وال دې د کانونو، کرنې او برېښنا تولید برخو ته راجلب کړي.

ښاغلي صافي د سوداګرۍ، ترانزیت او پانګونې فرصتونو ته اشاره وکړه او زیاته یې کړه چې افغان سوداګر د داغستاني سوداګرو سره د اړیکو پراختیا یو ښه ګام ګڼي.

 

 

 

 

ښاغلي توکل احمدیار، د افغانستان د سوداګرۍ او پانګونې اتاق عمومي رئیس، د ښاغلیو: خان محمد سرفراز باز د مشرتابه پلاوي د دارالانشاء رئیس، سید جاوید برهان د مشرتابه پلاوي د نړیوالو اړیکو رئیس، سلطان محمد صافي او ضیاءالدین اچکزی د مدیره پلاوي غړي، او میرزمان پوپل د عامل پلاوي د مالي او اداري مرستیال سرپرست په شتون کې، له ښاغلي عتیق الله مومن زاده د ننګرهار د سوداګرۍ او پانګونې اتاق رئیس او د یاد ولایت له یو شمېر مخکښو سوداګرو سره، د اتاق په مرکزي دفتر کې ولیدل، او د اوسنیو ستونزو او د سوداګرۍ د پراختیا په اړه یې بحث او نظرونه تبادله کړل.

ښاغلي مومن زاده د افغانستان د سوداګرۍ او ترانزیت په برخه کې له ځینو ګاونډیو هېوادونو سره پر شته ستونزو خبرې وکړې، او له عمومي رئیس څخه یې وغوښتل چې د افغانستان د سوداګرۍ د لا پراختیا لپاره، له سیمه ییزو او نړیوالو هېوادونو سره د لازمو اسانتیاوو برابرولو په برخه کې له اړوندو حکومتي ادارو سره ځانګړې پاملرنه وکړي.

ښاغلي توکل احمدیار، د ننګرهار د اتاق رئیس او د یاد ولایت سوداګرو ته د ښه راغلاست ویلو ترڅنګ، د سوداګرۍ اتاق یې د خصوصي سکتور او حکومت ترمنځ د ارتباط پُل وباله، او له ټولو ګاونډیو، سیمه ییزو او نړیوالو هېوادونو سره یې د افغانستان د ملي ګټو د ساتنې تر چتر لاندې د سوداګرۍ د پراختیا پر اهمیت ټینګار وکړ. نوموړي، له سیمې سره د افغانستان د سوداګریزو اړیکو ښه‌والی د هېواد د اقتصاد د ودې لپاره مهم وباله، او زیاته یې کړه چې د افغانستان د سوداګرۍ او پانګونې اتاق به تل هڅه وکړي څو د سوداګرو او پانګه‌والو ستونزو ته رسېدنه وشي او له بېلابېلو هېوادونو سره د سوداګرۍ، پانګونې او ترانزیت په برخه کې لا ډېرې اسانتیاوې برابرې شي.

 

 

 

 

 

 

د افغانستان د سوداګرۍ او پانګونې اتاق مشرتابه پلاوي د درېیم پړاو دیرشمه غونډه د ښاغلي توکل احمدیار، د اتاق د عمومي رئیس په مشرۍ د

ښاغلي محمد یونس مهمند، د مشرتابه پلاوي لومړی مرستیال؛

ښاغلي خیرالدین مایل احمدي، د مشرتابه پلاوي د سوداګرۍ مرستیال؛ ښاغلي عصمت الله وردګ، د مشرتابه پلاوي پانګونې مرستیال؛ ښاغلي خان محمد سرفراز باز، د مشرتابه پلاوي د دارالانشاء رئیس؛ ښاغلي شیرین آغا سخي، د مشرتابه پلاوي د مالي چارو رئیس؛ ښاغلي انجنیر سید جاوید برهان، د مشرتابه پلاوي د نړیوالو اړیکو رئیس؛

او د مشرتابه پلاوي نور غړي: سلطان محمد صافي، خانجان الکوزی، محمد داود یوسفزی، محمد گردیزی، ذکریا بریالی، سید پرویز سادات هوفیانی، ضیاءالدین اچکزی، جان آقاصادقی، بهادر خیرخواه، فواد دوست او احمد شکیب احمدیار په حضور کې ترسره شوه.

همداراز، ښاغلي عبدالحامد حمیدی، د څارنې پلاوي رئیس، ښاغلي عبدالمتین قلندري، د څارنې پلاوي منشي، ښاغلي ناصر صمیم، د څارنې پلاوي غړی، ښاغلي میر زمان پوپل، د عامل پلاوي د مالي او اداري مرستیال سرپرست، او ښاغلي محمد انور عارفي، د عامل پلاوي د پالیسۍ او تخنیکي مرستیال، هم په دې غونډه کې ګډون کړی و.

د غونډې په پیل کې، د دیرشمي غونډې اجندا، د نهه ویشتمې غونډې د پرېکړو لوستل او د هغې د صورت جلسې لاسلیک، د دارالانشاء رئیس ښاغلي خان محمد سرفراز باز له خوا وړاندې شول.

وروسته، د عامل پلاوي د مالي او اداري مرستیال سرپرست ښاغلي میرزمان پوپل له خوا راپورونه او وړاندیزونه، غونډې ته وړاندې شول.

په غونډه کې د ۱۴۰۴ مالي کال د تشکیلاتو او بودیجې تر څنګ، د مشرتابه پلاوي او عامل ریاست لخوا پر نورو وړاندیزونو هم بحث وشو، او اړینې پرېکړې ونیول شوې.