ښاغلي سید کریم هاشمي، د افغانستان د سوداګرۍ او پانګونې اتاق عمومي رئیس، له محترم محمد علي احمدزي، د ټانکدارانو د اتحادیې له رئیس، او د یادې اتحادیې له یو شمېر غړو سره د اتاق په مرکزي دفتر کې چې په شهرنو، کابل کې موقعیت لري، ولیدل او د دوی ستونزې یې واورېدې.

محترم احمدزی د ښاغلي هاشمي د ټاکل کېدو هرکلی وکړ او دا یې د سوداګرۍ او پانګونې اتاق لپاره یو پر ځای او مثبت ګام وباله. نوموړي خپل عمده مشکلات داسې بیان کړل: هغه ټانکونه چې د امارتي ملکیتونو پر ځمکه جوړ شوي د کابل ښاروالۍ له خوا تسلیم شوي او د نفتو موادو د تخلیې لپاره ټاکلی مشخص وخت نه‌دی واضح شوی. هغه د اتاق له عمومي رئیس څخه وغوښتل چې د دغو ستونزو د حل لپاره د اړوندو دولتي ادارو سره جدي پاملرنه وکړي.

ښاغلي هاشمي، د ټانکدارانو د اتحادیې رئیس او غړو ته ښه راغلاست ووایه او د سوداګرۍ او پانګونې اتاق یې د خصوصي سکتور او دولت تر منځ ګډ کور او د اړیکو پُل وباله.

نوموړي د هېواد د اقتصادي ودې لپاره د سوداګرو رول ډېر مهم وباله. هغه له ټولو ټانکدارانو څخه وغوښتل چې خپلې ستونزې په لیکلې بڼه اتاق ته وسپاري، تر څو اتاق وکړای شي چې له اړوندو دولتي ادارو سره په همغږۍ کې د هغوی د ستونزو د حل لپاره عملي اقدامات وکړي.

 

 

 

 

 

د افغانستان د سوداګرۍ او پانګونې اتاق عمومي رئیس، ښاغلي سید کریم هاشمي، د هېواد له بېلابېلو ولایتونو څخه د بزکشۍ فدراسیون له یو شمېر رئیسانو سره د اتاق د مشرتابه په مرکزي دفتر کې چې په شهرنو کابل کې موقعیت لري، لیدنه وکړه.

د بزکشۍ فدراسیون رئیسانو، ښاغلي سید کریم هاشمي ته د اتاق د عمومي رئیس په توګه د ټاکل کېدو مبارکي ورکړه او هیله‌مندي یې وښوده چې د ښاغلي هاشمي په مشرتوب به د خصوصي سکتور اقتصادي وده په بېلابېلو برخو کې لا زیاته شي.

ښاغلي هاشمي، د ولایتونو د بزکشۍ فدراسیون رئیسانو ته ښه راغلاست ووایه، د هېواد د ټولو ورزشکارانو ترمنځ د یووالي او همغږۍ پر اهمیت یې ټینګار وکړ او ډاډ یې ورکړ چې د بزکشۍ فدراسیون سره به د اتاق همکاري هر اړخیزه وي.

 

 

 

 

 

 

د افغانستان د سوداګرۍ او پانګونې اتاق د دریم پړاو د مشرتابه پلاوي دوه دېرشمه مشورتي غونډه د ښاغلي سید کریم هاشمي، د اتاق د عمومي رئیس، په مشری، او د مشرتابه پلاوي د غړو ښاغلو: محمد یونس مهمند د اتاق لومړی مرستیال، خیرالدین مایل احمدي تجارتي چارو مرستیال، نصیر احمد عرب خدماتو مرستیال، خان محمد سرفراز باز د دارالانشا رئیس، شیرین آغا سخي د مالي چارو رئیس، انجنیر سید جاوید برهان د نړیوالو اړیکو رئیس، سلطان محمد صافي، خان جان الکوزی، ذکریا بریالي، ضیاءالدین اڅکزی، فواد دوست، او جان آقا صادقي، د مدیره پلاوي غړي، سربېره پر دې د عامل پلاوي سرپرست ښاغلی میر زمان پوپل، او د پالیسۍ او تخنیکي چارو مرستیال محمد انور عارفي، د اتاق د مشرتابه پلاوي په دفتر کې چې په شهرنو کابل کې موقعیت لري، ترسره شوه.

په پیل کې، د غونډې اجندا د محترم خان محمد سرفراز باز، د اتاق د دارالانشا رئیس له خوا وړاندې شوه.

وروسته د اتاق معاونینو او د مشرتابه نورو غړو د اتاق اړوند موضوعاتو، په ځانګړې توګه د تجارتي – اقتصادي پرمختګونو، ستونزو او راتلونکو پلانونو په اړه خپل نظریات او وړاندیزونه شریک کړل. همداراز، ښاغلي میر زمان پوپل د مطرح شویو مواردو په اړه راپور وړاندې کړ.

په پای کې، ښاغلي سید کریم هاشمي د غړو نظریات او وړاندیزونه واورېدل او ژمنه یې وکړه چې ټولې یادې شوې ستونزې او وړاندیزونه به د حکومت له مشرتابه سره، په ځانګړي ډول د ریاست الوزراء له اقتصادي مرستیال او د صنعت او تجارت وزارت سره شریک کړي، ترڅو د اتاق ستونزو ته د حل لارې پیدا شي او چارې لا ښې شي.

 

 

 

 

 

 

د افغانستان د سوداګرۍ او پانګونې اتاق عمومي رئیس، ښاغلي سید کریم هاشمي، د اتاق د مشرتابه د غړي محترم احمد فواد دوست، او د هېواد د وتلي سوداګر، ښاغلي مایل خیرخواه، په حضور کې، د میدان وردګو د سوداګرۍ اتاق له رئیس او مشرتابه پلاوي، د هېواد له نامتو سوداګرو ښاغلي رفیع عظیمي، زلگی عظیمي، او د هغوی له ملګرو سره، د اتاق د مشرتابه په مرکزي دفتر کې چې په شهرنو کابل کې موقعیت لري، لیدنه وکړه.

ښاغلي هاشمي، د میدان وردګو د اتاق د مشرتابه پلاوي او د نوموتو سوداګرو د راتګ هرکلی وکړ، د سوداګرۍ او پانګونې اتاق یې د هېواد د ټولو سوداګرو ګډ کور وباله، او یادونه یې وکړه چې د اتاق اساسي هدف د خصوصي سکتور غړو ته غوره خدمات وړاندې کول دي.

د میدان وردګو د اتاق مشرتابه پلاوي او سوداګرو، محترم سید کریم هاشمي ته د افغانستان د سوداګرۍ او پانګونې اتاق د عمومي رئیس په توګه د ټاکل کېدو مبارکي وویله، او نوموړي ته یې ډاډ ورکړ چې په ټولو کاري چارو کې به ورسره هر اړخیزه همکاري کوي.

 

 

 

 

 

ښاغلي سید کریم هاشمي، د افغانستان د سوداګرۍ او پانګونې اتاق عمومی رئیس، د اتاق د دارالانشأ رئیس محترم خان محمد سرفراز باز په شتون کې، د پانګونې مرستیال محترم عصمت‌الله وردک، د مدیره پلاوي غړو شاغلیو سلطان محمد صافي، جان آقا صادقي او ذکریا بریالی، د نظار هیأت منشي او د غزني اتاق رئیس عبدالمتین قلندري، د نیمروز اتاق رئیس عبیدالله نورزی او معاون یې حاجي غلام، د هلمند اتاق رئیس غلام یحیی پشتون، د خان استیل او ودان ستیل فابریکې رئیس خان محمد وردک، د رخت اتحادیې رئیس حاجي عبیدالله، او یو شمېر نورو پانګه‌والو او تجارانو سره، د اتاق د مدیره پلاوي په مرکزي دفتر (شهر نو، کابل) کې لیدنه وکړه.

په دې ناسته کې محترم عصمت‌الله وردک، د مدیره پلاوي غړو، د ولایتي اتاقونو رئیسانو او نورو حاضر تجارانو او پانګه‌والو، محترم سید کریم هاشمي ته د افغانستان د سوداګرۍ او پانګونې اتاق د عمومی رئیس په توګه د ټاکل کېدو مبارکي وویله او همداراز یې د هېواد د یو مخکښ تاجر په توګه، د لا زیاتو بریاوو او لا زیات پرمختګ هیله‌مند شول.

ګډونوالو د اتاق اړوند بېلابېلو موضوعاتو، ستونزو، طرحو او وړاندیزونو په اړه خبرې وکړې او څرګنده یې کړه چې د ښاغلي هاشمي له ټاکل کېدو سره به د خصوصي سکتور او ملي اقتصاد د ودې په موخه اغېزمن ګامونه پورته شي.

ښاغلي هاشمي د ولایتونو د اتاقونو رئیسانو او نورو تجارانو او پانګه‌والو تود هرکلی وکړ او زیاته یې کړه: اتاق د ټول هېواد د تجارانو، پانګه‌والو او ولس ګډه شتمني ده.

هڅه کوم چې د اتاق د مشرتابه له نورو غړو سره د یو واحد ټیم په توګه د خصوصي سکتور نظریات واورم او د هغوی په چوپړ کې و اوسم.