محترم توکل احمدیار، رئیس عمومی اتاق تجارت و سرمایه‌گذاری افغانستان، در هفدهمین نشست سران سازمان همکاری‌های اقتصادی (ECO) که در خانکندی آذربایجان برگزار شد، اشتراک نمود.
در این نشست مهم، معاون اقتصادی ریاست‌الوزرا امارت اسلامی افغانستان محترم ملا عبدالغني برادر اخند، رؤسای جمهور کشورهای ترکیه،ازبیکستان، ترکمنستان، قزاقستان، ایران، قبرس، قیرغیزستان, تاجیکستان و آذربایجان، نخست‌وزیر پاکستان، و همچنان محترم حاجی زلگی عظیمی، یکی از تاجران برجسته کشور، نیز حضور داشتند.
محترم احمدیار در حاشیه این نشست، دیدگاه‌ها و پیشنهادات سکتور خصوصی افغانستان را در زمینه‌های تقویت همکاری‌های اقتصادی، گسترش روابط تجارتی میان کشورهای عضو، و توسعه سرمایه‌گذاری‌های مشترک، با مقامات عالی‌رتبه و نمایندگان اتاق‌های تجارت کشورهای عضو در میان گذاشت.
هدف از حضور رهبری اتاق در این نشست، جلب حمایت‌های منطقه‌یی از سکتور خصوصی افغانستان، معرفی فرصت‌های سرمایه‌گذاری، و تلاش برای تسهیل روند تجارت میان افغانستان و کشورهای منطقه بود.
اتاق تجارت و سرمایه‌گذاری افغانستان، اشتراک فعال در چنین نشست‌های منطقه یی و بین‌المللی را گامی مهم در راستای تقویت دیپلوماسی اقتصادی کشور دانسته و متعهد به پیگیری فرصت‌های به‌دست آمده می‌باشد.
