د افغانستان د سوداګرۍ او پانګونې اتاق د مدیره پلاوي سوداګریز مرستیال ښاغلي خیرالدین مایل احمدي، ‏د مدیره پلاوي مالي رئیس ښاغلي شیرین آغا سخي، د مدیره پلاوي د نړیوالو اړیکو رئیس ښاغلي انجنیر ‏سید جاوید برهان، د مدیره پلاوي غړیو هر یو ذکریا بریالي او احمد فواد دوست او د هېواد یو شمیر ‏سوداګرو د ولسي جرګې له رئیس ښاغلي میر رحمان رحماني، د ولسي جرګې له لومړي مرستیال ښاغلي ‏جاوید جیحون، د کورني امنیت کیمسیون رئیس ښاغلي خان آغا رضايي، د بودجې او مالي کمیسیون رئیس ‏ښاغلي میر افغان صافي، د ملي اقتصاد کمیسیون رئیس ښاغلي عبدالعزیز حکیمي او د ولسي جرګې له یو ‏شمیر غړو سره په جلا جلا لیدنو کې د خصوصي سکتور په ننګونو او د ځینو قوانینو په تطبیق کې د شتو ‏ستونزو په اړه خبرې اترې وکړی. ‏

 

ښاغلي مایل احمدي او د اتاق د مدیره پلاوي غړیو ښاغلي جاوید جیحون ته د هغه د نوې دندې د مبارکۍ ‏ویلو تر څنګ هیله څرګنده کړه چې ښاغلی جاوید جیحون به د خصوصي سکتور د ستونزو او ننګونو په ‏له منځه وړلو کې خپلې هیڅ ډول مرستې ونه سپموي. ‏

 

په همدی ډول د اتاق مشرتابه پلاوي د ولسي جرګې له رئیس، د ملي اقتصاد، بودجې او مالي او کورني ‏امنیت له رئیسانو او د ولسي جرګې له نورو غړو سره په جلا جلا ناستو کې د خصوصي سکتور د ‏ستونزو او ننګونو په اړه خبرې وکړې او د له منځه وړلو په برخه کې يې د دوی د همکارۍ غوښتنه ‏وکړه. ‏

 

ښاغلي میر رحمان رحماني، ښاغلي جاوید جیحون، ښاغلي خان آغا رضايي، ښاغلي میر افغان صافي او ‏ښاغلي عبدالعزیز حکیمي ژمنه وکړه چې د خصوصي سکتور د ستونزو په ځانګړی توګه د هغو قوانینو د ‏تعدیل په برخه کې چې ولسي جرګې ته راجع کیږي خپلې هیڅ ډول مرستې او همکارۍ ونه سپموي.

د افغانستان د سوداګرۍ او پانګونې اتاق د مدیره پلاوي لمړي مرستیال ښاغلي محمد یونس مهمند، د اتاق د مدیره پلاوي غړي ښاغلي خان جان الکوزي او د هېواد یو شمیر سوداګرو د مشرانو جرګې له لومړي مرستیال ښاغلي محمد علم ایزدیار ته د هغه د نوې دندې مبارکۍ ویلو تر څنګ د خصوصي سکتور د ستونزو په اړه خبرې اترې وکړی.

 

ښاغلي مهمند وویل "ّپه تیرو څو کلونو کې په خصوصي سکتور کې د شتو ستونزو له موږ ونه کړای شول چې د یو شمیر عربي هېوادونو په ځانګړی توګه سعودي عربستان سره ښې سوداګریزې اړیکې ولرو." نوموړي زیاته کړه چې په سعودي عربستان کې د ګډو پانګه اچوونو او د افغانانو لپاره کاري فرصتونه ډیر دي.

 

ښاغلي مهمند د مالیاتو په قانون کې د تعدیل راوستو په موخه د مشرانو جرګې همکاري ترلاسه او د آپټا تړون د بیا تمدید غوښتونکی شو.

 

ښاغلي خان جان الکوزي د پاکستان په کراچۍ بندر کې د افغان سوداګرو ستونزو ته د اشارې کولو تر څنګ زیاته کړه چې د ګاونډیو هېوادونو سره ښې اړیکی لرل د سوداګرۍ د پراختیا سبب ګرځي او ولسي جرګه کولی شي په دی برخه کې اړین رول ولوبوي.

 

ښاغلي ایزدیار د اتاق مدیره پلاوي ته د ښه راغلاست ویلو تر څنګ، د هېواد په اقتصادي لوړتیا کې د خصوصي سکتور رول اړین وباله او د قوانینو د تعدیل په برخه کې يې د هر ډول همکارۍ ژمنه وکړه.

 

د مشرانو جرګې نایب منشي ډاکټر محمد فیصل سمیع سره په یوه جلا ناسته کې، ښاغلي سمیع ته د هغه د نوې دندې مبارکۍ ویلو تر څنګ د خصوصي سکتور د ستونزو په اړه خبرې اترې وکړی.

 

ښاغلي سمیع د خصوصي سکتور د کړنو د ملاتړ تر څنګ ژمنه وکړه چې د مشرانو جرګې او د خصوصي سکتور فعالینو تر منځ به یوه ګډه ناسته د مشرانو جرګې په تالار کې جوړوي، تر څو د خصوصي سکتور ستونزو او ننګونو ته د حال لارې چارې ولټول شي.

د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند د افغانستان لپاره د تاجکستان سفیر ښاغلي سعدي شریفي سره د لیدنې په ترڅ کې د دواړو هېوادونو د سوداګریزو او ټرانزیټي اړیکو د پراختیا په اړه خبرې اترې وکړی.

 

په دی ناسته کې، ښاغلي مهمند د ښاغلي سعدي شریفي سره د سوداګریزو او ټرانزیټي اړیکو پراختیا، د تاجکستان له لارې د روسيي فدراتیف ته د ټرانزیټ، د همکارۍ تفاهم لیک لاسلیک او د دواړو هېوادونو تر منځ د سوداګریزو ناستو په اړه خبرې وکړی او په دی برخه کې يې د تاجکستان سفارت د همکارۍ غوښتنه وکړه.

 

ښاغلي سعدي شریفي افغانستان خپل دوست او د ګډ فرهنګ او تاریخ لرونکې هېواد وباله او د سوداګریزو او ټرانزیټي اړیکو پراختیا يې د دواړو هېوادونو په ګټه وبلله. نوموړي ژمنه وکړه چې د تاجکستان سفارت به د دواړو هېوادونو د سوداګریزو او اقتصادي اړیکو د پراختیا په برخه کې خپلې هیڅ ډول مرستې ونه سپموي.

د افغانستان د سوداګرۍ او پانګونې اتاق د مدیره پلاوي لومړي مرستیال ښاغلي محمد یونس مهمند او د اتاق سرپرست عامل رئیس ښاغلي شفیق الله عطايې د میدان وردګ ولایت د مڼو له سوداګرو سره د لیدنې په ترڅ کې د هغو د شتو ستونزو په اړه ورسره خبرې اترې وکړی.

 

د مڼو سوداګرو وویل چې د یوې اوږدې مودې راهیسي په مڼو بار څوارلس ګاډي د هېواد په ګمرکونو کې ولاړ دي او د ګمرک چارواکي ددی ګمان له امله چې دا کیدای شي ایرانۍ مڼې وي، د صادرولو اجازه نه ورکوي.

 

نوموړو سوداګرو د اتاق له مشرتابه پلاوي څخه وغوښتل چې ددوی ستونزې د کرهڼې، اوبو لګونې او مالدارۍ وزارت او همدارنګه د سوداګرۍ او صنایعو له وزارت سره شریکې او د له منځه وړلو په برخه کې يې خپلې هیڅ ‌ډول مرستې ونه سپموي.

 

ښاغلي مهمند ژمنه وکړه چې ددوی ستونزې به د اړوند دولتي ادارو سره شریکې او د له منځه وړلو په برخه کې به يې هر اړخیزه همکاري وکړي.

ښاغلي عطايې د مڼو له سوداګرو وغوښتل چې خپلې ستونزې په لیکلې بڼه د اتاق سره شریکې کړي تر څو د له منځه وړلو په برخه کې اتاق کوټلي ګامونه پورته کړي. نوموړي زیاته کړه چې اول دی ددی ۱۴ مڼو بار ګاډو ته د صادرولو اجازه ورکړی شي او د نورو ستونزو په اړه به هم اتاق خپلې مرستې ونه سپموي.

د افغانستان د سوداګرۍ او پانګونې اتاق د مدیره پلاوي لمړي مرستیال ښاغلي محمد یونس مهمند، د اتاق د ‏مدیره پلاوي د دارالانشاء رئیس ښاغلي خان محمد سرفراز باز، د مدیره پلاوي غړي ښاغلي خان جان ‏الکوزي، د کابل د سوداګرۍ او پانګونې اتاق لمړي مرستیال ښاغلي احمد شاه حکیمي، د ولسي جرګې ‏لمړي مرستیال ښاغلي احمد جاوید جیحون سره د لیدنې په ترڅ کې هغه ته د نوی دندې په پار مبارکي ‏وویله او د خصوصي سکتور د ستونزو په اړه يې ورسره خبرې وکړی‎.

 

ښاغلي محمد یونس مهمند احمد جاوید جیهون ته د ولسي جرګې د لومړي مرستیال په توګه د هغه د ټاکنې ‏له امله مبارکي وویله او هیله يې څرګنده کړه چې ښاغلی جیحون به د خصوصي سکتور د ستونزو او ‏ننګونو د له منځه وړلو په برخه کې خپلې هیڅ ډول مرستې ونه سپموي. ‎

 

ښاغلي مهمند پر عایداتو د ماليې قانون تطبیق، د هېواد سوداګرو او پانګه والو ته د پرتو امنیتي ستونزو او ‏پر پلور باندی د فیصدۍ د شتو ستونزو او ننګونو په اړه خبرې وکړی او د ولسي جرګې له لمړي مرستیال ‏څخه يې ددی ستونزو د له منځه وړلو او د مالیاتو په قانون کې د تعدیل رواستو په برخه کې د لازمو ‏همکاریو غوښتنه وکړه‎.

 

ښاغلي خان محمد سرفراز باز د ځینو هغو قوانینو د تطبیق په اړه چې د ټولنې د واقعیتونه سره هیڅ ډول ‏مطابقت نه لري په ځانګړی توګه د پیسو وینځلو قانون، او د هېواد د صرافیو له خوا خصوصي سکتور ته ‏په راولاړو شوو ستونزو خبرې وکړی او د پیسو وینځلو قانون کې د تعدیل غوښتونکې شو‎.

 

ښاغلي خانجان الکوزي، د سوداګرۍ او پانګونې اتاق په لاره کې د شتو ستونزو په ځانګړی توګه د ‏مرکزي اتاق ترڅنګ د نورو موازي اتاقونو رامنځته کولو په اړه خپله اندیښته څرګنده او دا کار يې د ‏خصوصي سکتور په زیان وباله.‏

 

ښاغلي احمد جاوید جیحون د اتاق د مدیره پلاوي د نظریاتو او وړاندیزونو اوریدو وروسته وویل "زه د ‏هېواد د یوه پانګه وال او په ولسي جرګه کې د خلکو د استازي په توګه د خصوصي سکتور د ستونزو ‏څخه بشپړه خبرتیا لرم او ژمنه کوم چې د ولسي جرګې په کچه د خصوصي سکتور د ستونزو په له منځه ‏وړلو کې به خپلې هیڅ ډول مرستې ونه سپموم."‏