د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند روسيې ته د خپل کاري سفر په جریان کې، د کریمیا په چارو کې د روسيې ولسمشر دایمي استازي ښاغلي لیونید ولادمیرمیرونوف سره د لیدنې په ترڅ کې، د سوداګریزو موضوعګانو او د خوراکي او نفتي موادو د وارداتو په اړه خبرې اترې وکړې.

 

د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا په سینټ پیټرزبورګ کې یاده ناسته ترسره او ښاغلي مهمند اوړو، غنمو، غوړیو او نفتي موادو ته د افغانستان د خلکو اړتیاوو او همدارنګه د سوداګریزو توکو د ټرانزیټ په اړه خبرې وکړې او د دواړو هېوادونو سوداګرۍ پراختیا او سوداګرو ته د لازمو آسانتیاوو رامنځته کولو غوښتنه وکړه.

 

ښاغلي میرونوف د لازمو آسانتیاوو رامنځته کولو برخه کې، د همکارۍ خبر ورکولو ترڅنګ، ژمنه وکړه چې په ناسته کې مطرح شوي موضوعات به د روسيې سوداګرۍ اتاق سره شریک او د سوداګرۍ پراختیا او د داړو هېوادونو ترمنځ د سوداګریزو اړیکو د ښه والي په برخه کې به خپلې هیڅ ډول مرستې ونه سپموي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د هېواد د خصوصي سکتور په استازولۍ، د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا په سینټ پیټرزبورګ نړیوال اقتصادي کنفرانس (SPIEF) کې چې د روان زیږدیز کال د جون د میاشتې د ۱۵مې نېټې څخه تر ۱۷مې نېټې پوری دوام لري ګډون وکړ او د یاد کنفرانس په څنډه کې يې د نړیوال نندارتون څخه لیدنه وکړه او د نړیوالو مختلفو رسنیو سره په خبر اترو کې يې د روسيې او افغانستان ترمنځ د سوداګریزو اړیکو پر پراختیا او غښتلتیا ټینګار وکړ.

 

ښاغلي مهمند له رسنیو سره په خبرو کې وویل، چې په دغه کنفرانس کې د ګډون موخه د بېلابېلو هېوادونو د خصوصي سکتور له استازو سره لیده کاته، د سوداګریزو اړیکو پراختیا او په افغانستان کې د پانګونې راجلبول دي. نوموړي په ځانګړې توګه د نفتو او ګازو، د روسي اوړو، غنمو او غوړيو په ګډون د خوراکي توکو او دغه هېواد ته د افغاني محصولاتو د صادراتو او د افغاني محصولاتو د ګمرکي معافيت په اړه د افغانانو د اوسنۍ اړتيا په اړه خبرې وکړې.

 

ښاغلي مهمند له روسي سوداګرو او پانګوالو په ځانګړې توګه په بهر کې مېشتو افغان سوداګرو او پانګوالو وغوښتل چې له شته فرصتونو څخه په استفادې د امنیتي وضعیت د ښه والي او په افغانستان کې د اداري فساد نه شتون په نظر کې نیولو سره، د هېواد په بېلابېلو سکتورونو کې پانګونه وکړي.

 

د سینټ پیټرزبورګ نړیوال اقتصادي کنفرانس (SPIEF) چې د "نوې نړۍ - نوي فرصتونه" تر سرلیک لاندې به د جون په ۱۵-۱۷ کې ترسره شي، د ۱۳۵ هیوادونو استازو او د ۲.۷ زرو څخه زیاتو سوداګریزو استازیو سره چې د ۱۰۰۰ څخه زیات اجرایوي رییسانو په ګډون، د کنفرانس څخه لیدنه کوي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د هېواد د خصوصي سکتور په استازولۍ، د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا په سینټ پیټرزبورګ کې د اقتصادي او سوداګریزې برخې له رئیس ښاغلي ګریګوریف ایوګیني دیمیترویچ سره د لیدنې په ترڅ کې، د دواړو هېوادونو ترمنځ د سوداګریزو او اقتصادي اړیکو په اړه خبرې اترې وکړې.

 

ښاغلي مهمند په تېرو ۹۰ کلونو کې د افغانستان د سوداګرۍ او پانګونې اتاق د اقتصادي فعالیتونو او په تېرو ۹۰ کلونو کې د دواړو هېوادونو ترمنځ د ښو سوداګریزو-اقتصادي اړیکو او افغانستان ته د وارداتو د اړتیا په اړه معلومات ورکړل. او همدارنګه له روسيې څخه د خوراکي توکو او تیلو واردولو او روسيې ته د افغان صادارتي توکو صادرولو پر اړتیا يې خبرې وکړې.

 

ښاغلي مهمند او د هغه ملګري ټیم ته د ښه راغلاست په ترڅ کې د سنټ پیټرزبورګ د سوداګریزې او اقتصادي برخې رئیس ښاغلي ګریګوریف اویوګیني دیمیترویچ د سوداګرۍ د پراختیا او د دواړو هېوادونو ترمنځ د اړیکو د ښه کولو په برخه کې خپله لېوالتیا څرګنده کړه او د روسیې او افغان سوداګرو او پانګوالو ترمنځ یې د سوداګریزو ناستو ترسره کول او سوداګریزو پلاوو تګ راتګ اړین وباله.

د افغانستان د سوداګرۍ او پانګونې اتاق مدیره پلاوي سوداګریز مرستیال ښاغلي خیرالدین مایل احمدي د افغانستان اسلامي امارت د بهرنیو چارو وزارت سرپرست وزیر ښاغلي امیر خان متقي سره په یاد وزارت کې د لیدنې په ترڅ کې، د خصوصي سکتور ستونزو او د بهرنیو چارو وزارت همکاریو په اړه خبرې وکړې.

 

ښاغلي احمدي هغو هېوادونو ته چې افغان سوداګر ورسره سوداګریزې راکړې ورکړې لري، ویزو ته نه لاسرسي ستونزه د ښاغلي متقي سره شریکه او په دی برخه کې يې د یاد وزارت د همکارۍ غوښتنه وکړه.

 

ښاغلي متقي ښاغلي احمدي ته د ښه راغلاست ویلو او د دوی د ستونزو اوریدو وروسته، ژمنه وکړه چې د سوداګرۍ پراختیا، ستونزو حل او د لازمو آسانتیاوو رامنځته کولو برخه کې به خپلې هیڅ ډول مرستې ونه سپموي.

نوموړي زیاته کړه چې دوی هڅه کوي چې هغه سوداګر چې د هېواد څخه دباندی ژوند کوي، وهڅوي ترڅو هېواد راستانه شي او په هېواد کې دننه پانګه اچونه وکړي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د هېواد د خصوصي سکتور په استازولۍ، د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا په سینټ پیټرزبورګ کې د روسيي سوداګرۍ اتاق له رئيس ښاغلي کاتیرین سرګي سره د لیدنې په ترڅ کې، د سوداګریزو او اقتصادي اړیکو پراختیا او ګډو همکاریو په اړه خبرې اترې وکړې.

 

ښاغلي مهمند د افغانستان د سوداګرۍ او پانګونې اتاق فعالیتونو، په تیرو څو کلونو کې د افغانستان او روسيې سوداګریزو اړیکو په ځانګړې توګه په افغانستان کې د سیاسي بدلونونو منځته راتګ وروسته، د ښه امنیت، اداري فساد نه شتون او د پانګه اچونې فرصتونو په اړه خبرې وکړې او د دواړو هېوادونو د سوداګریزو او اقتصادي اړیکو پر غښتلتیا او ګډو پانګه اچونو يې ټینګار وکړ.

 

ښاغلي مهمند د صادراتو او وارداتو برخه کې د لازمو آسانتیاوو رامنځته کیدا باندی د ټینګار کولو ترڅنګ، د دواړو هېوادونو سوداګریزو پلاوو سفرونه او د افغانستان د سوداګرۍ او پانګونې اتاق او د روسيې سوداګرۍ اتاق ترمنځ يې تفاهملیک لاسلیکولو يې اړین وبلل.

 

نوموړي د روسيې سوداګرۍ اتاق له رئیس وغوښتل چې د یو سوداګریز پلاوي په مشرۍ افغانستان ته سفر وکړي ترڅو د دواړو هېوادونو د سوداګرو او پانګه والو ترمنځ په سوداګریزې پراختیا او ګډو پانګه اچونو تفاهم رامنځته شي.

 

ښاغلي سرګي د لیدنې په اړه خوښي څرګنده کړه او د روسيې سوداګرۍ اتاق او د افغانستان د سوداګرۍ او پانګونې اتاق او د دواړو هېوادونو د سوداګریزو او اقتصادي اړیکو د غښتلیتا ډاډ ورکړ او ژمنه يې وکړه چې که چیرې دوی ته په افغانستان کې، د روسيې سوداګرو او پانګه والو د امنیت ډاډ ورکړل شي، دوی به روسي سوداګر او پانګه وال وهڅوي څو په افغانستان کې پانګونه وکړي.