په سویس کې، افغانستان سره د مالي مرستو په موخه په جوړه شوې غونډه کې، چې د ۶۰ څخه زیاتو مرسته کوونکو هیوادونو او نړیوالو سازمانونو استازیو پکې ګډون درلود، ښاغلي سید زمان هاشمي خپل نظرونه او زرینې ویناوې پدی ډول بیان کړی.
"له یوې خوا د افغانستان په ګمرکونو کې موجود فساد او د کرونا هلاکوونکې ویروس د هیواد سوداګرۍ او اقتصاد ته یوه لویه ضربه او د اقتصادي پیاوړتیا په وړاندی یو لوی خنډ دی، خو له بلې خوا د چابهار بندر او د لاجوردو لیاره د هیواد په اقتصادي پیاوړتیا کې اړین رول لوبولې شي."
نوموړي د هیواد په ګمرکونو کې د لازمو آسانتیاو د رامنځته کولو او د خصوصي سکتور د لا پیاوړي کولو په لاره کې د اتاق د عملي هڅو یادونه وکړه او هیله يې څرګنده کړه، چې د افغانستان دولت او نړیوالې ټولنې ملاتړ به وکولې شي خصوصي سکتور په دی توانا کړي چې په صادراتو او وارداتو کې لازمې آسانتیاوې رامنځته کړي.
ښاغلي هاشمي د شتو ننګونو او اداري فساد د له منځه وړلو او مالي سرچینو ته د لاسرسۍ په برخه کې د مرکزي بانک رول اړین وباله او وی ویل چې مرکزي بانک په تیرو څو کلونو کې دی برخې ته چندانې پام ندی کړی.
ښاغلي هاشمي د خپلو خبرو په پای کې وویل"ّپه عالي اقتصادي شوراګانو کې باید د خصوصي سکتور نظر په پام کې ونیول شي او د خصوصي سکتور د لاښو فعالیتونو په موخه دی د دولت سره بشپړه همغږي رامنځته شي."
په دی لیدنه کې د کندهار ولایت د کسبګرو د اتاق ریس او غړو یې د افغانستان د سوداګرۍ او پانګونې اتاق د پرله پسې همکاریو په مناسبت د اتاق څخه د مننې تر څنګ په هیواد کې د شتو ګمرکي او مالي ستونزو یادونه وکړه؛ او د اتاق څخه يې خپلو ستونزو ته د پای ټکي کیښودلو غوښتنه وکړه.
دی ویډیوي کنفرانس کې د زراعت او مالدارۍ وزیر ښاغلي انورالحق احدي، د افغانستان-امریکا ګډ اتاق مشرتابه او د خصوصي سکتور استازیو چې شمیر يې تقریبا ۱۷۰ تنو ته رسیده ګډون درلود.
نوموړي محصلینو ته ددغې دورې د ګټورې ثابتیدو هیله وکړه او تر څنګ يې د یوې ټولنې په اقتصادي لوړتیا کې د خصوصي سکتور رول اړین وباله او زیاته يې کړه، چې د افغانستان د سوداګرۍ او پانګونې اتاق محترمه اداره د هیواد محصلینو د ظرفیت لوړونې لپاره یوه مناسبه مرجع ده.
ښاغلي مهمند وویل "په وروستیو څو کلونو کې په سوداګریز ډګر کې د افغان-پاک ګډ اتاق هڅې د ستایلو وړ دي. او ددواړو هیوادونو د سیاسي مشرانو سفرونه د داوړو هیوادونو د وګړیو ترمنځ د لازیات باور او په سوداګریز ډګر کې د لازیاتو آسانتیاو د رامنځته کیدا سبب شوي دي."
د ننګرهار د سوداګرۍ او پانګه اچونې اتاق سیمه ایزو مسؤلینو په پاکستان کې د افغان سوداګرو د سوداګریزو مالونو بی موجبه ځنډیل او د تورخم په بندر کې بډې اخستنه د سترو ننګونو او ستونزو په توګه په ګوته کړی او د افغانستان او پاکستان له حکومتونو څخه يې وغوښتل چې ددی ستونزو د له منځه وړلو په موخه بیړني ګامونه پورته کړي.