د افغانستان د سوداګرۍ او پانګونې اتاق مدیره پلاوي پانګه ایز مرستیال ښاغلي سلطان محمد صافي او د ټرانسپورټ تخصصي کمېټې رئیس او د اتاق د مدیره پلاوي غړي ښاغلي احمد فواد دوست د ټرانسپورټي اتحادیو یو شمیر مسؤلینو او رئیسانو سره د لیدنې په ترڅ کې، د دوی د ستونزو په اړه خبرې وکړې.
ښاغلي سلطان محمد صافي د ټرانسپورټ او کارګو د اتحادیې رئیسانو او مسوولینو ته د ښه راغلاست ترڅنګ په هېواد کې د وروستیو بدلونونو په ځانګړي ډول د امنیت د ښه والي او د ټرانسپورټ او کارګو د کار او خدماتو د ښه والي په برخه کې یادونه وکړه او په سختو حالاتو کې یې د ټرانسپورټي او کارګو شرکتونو خدماتو ستاینه وکړه.نوموړي د موټر چلوونکو لپاره د موټر چلولو د نړیوالو جوازونو د ترلاسه کولو او له بهرنیو ژبو سره د بلدتیا په برخه کې د دې سکتور پر ښه والي او معیاري کولو ټینګار وکړ.
ښاغلي احمد فواد دوست د هېواد د سوداګرۍ او اقتصادي ودې په برخه کې د ټرانسپورټ رول او اهمیت ته اشاره وکړه او ټینګار يي وکړ چې، ددی سکتور د پخوانیو او اوسنیو ستونزو په نظر کې نیولو سره اړینه ده چې داتاق، ټرانسپورټي او کارګو شرکتونو او اړوندو دولتي ادارو ترمنځ همغږي لا پسی زیاته شي.
په دې ناسته کې د ترانسپورت او کارګو اتحادیې رئیسانو او مسوولینو د څه باندې ۶۵۰ اتحادیو او د ترانسپورت د ریاست له خوا د ترانسپورت د کتابچه د نشتوالي او د الکترونیکي کارتونو د نه کارونې او همدارنګه د ټرانسپورټي اتحاديو په ټرانسپورټي شرکتونو د بدلیدو پریکړې نه عملي کولو یادونه وکړه. هغوی د ترانسپورت د اتحاديې او د ترانسپورت رياست اوسنى حالت د اندېښنې وړ وباله او د اتاق له مشرتابه يې وغوښتل چې د دوى د ستونزو په حل کې د ترانسپورت له وزارت او اړوندو ادارو سره همکاري وکړي.
د اتاق مشرتابه پلاوي د دوی د نظریاتو او ستونزو له اورېدلو وروسته د هېواد د ټرانسپورټ او بار وړونکو اتحادیو له رئیسانو او مسوولینو څخه وغوښتل چې د مشورتي ناستې له ترسره کېدو وروسته خپل پلانونه او ستونزې راټولې او په لیکلې بڼه یې اتاق ته وسپاري. او اتاق به هڅه وکړي چې د ترانسپورت وزارت له مسوولینو سره وګوري او د ترانسپورتي وضعیت د ښه والي او د هغوی د ستونزو د حل په برخه کې له اړوندو دولتي بنسټونو سره همکاري وکړي، تر څو لازم ګامونه پورته کړی شي.
ښاغلي مهمند د دې غونډې د جوړیدو موخه د انساء ادارې د تخنیکي ټیم په ناسته کې د ولایتي استازو ټاکل او د نورم سټنډرډ د ستونزو د حل په ګوته کړه. دوی به په راتلونکو ناستو کې له اړوندو څانګو سره د مشخصو موضوعاتو په اړه خبرې اترې وکړي او د نفتي توکو د واردولو او د نورمونو او ستندردونو د پلي کولو په برخه کې د شته ستونزو د حل په موخه به خپل نظرونه څرګند کړي.
ښاغلي مهمند د سټنډرډ ملي ادارې له مسؤلینو سره د نفتي سکتور د ستونزو په ځانګړي ډول هغه ستونزې چې د نفتي توکو سوداګر یې په بندرونو کې د معیارونو د پلي کولو په برخه کې لري خبرې وکړې او دغه راز یو شمېر هغه نفتي مواد چې دوی له ایران څخه واردوي کوم چې د افغانستان له معیارونو سره توپیر لري په اړه يي د اړوندو دولتي ادارو له مسؤلینو سره خبرې وکړې. 
ښاغلي مهمند ټولو ګډونوالو سوداګرو ته د ښه راغلاست ویلو ترڅنګ، زیاته کړه چې اتاق د ټولو سوداګرو په ځانګړې توګه د رخت او برښنايي توکو واردوونکو سوداګرو طرحې، ستونزې او وړاندیزونه اوریدلي او د ستونزو حل برخه کې تل کوټلي ګامونه پورته کړي او دی کار ته دوام ورکوي.