په یوه جلا ناسته کې چې د افغانستان د سوداګرۍ او پانګونې اتاق د عمومي ریاست په دفتر کې تر سره شوه، یو شمېر مرستیالان او د کندهار اتاق اته تنه غړي د مدیره پلاوي د نویو غړو په توګه حاضرینو ته معرفي شول چې نومونه یې په لاندې ډول دي:
ښاغلو: الحاج گلبهار حبیبي د سوداګرۍ د مرستیال په توګه، الحاج فیض محمد خوافی د ولایتونو د چارو د مرستیال په توګه، حاجي حبیبالله عمر د ټولنیزو او کلتوري چارو د مرستیال په توګه او حاجي عبدالنافع د کورني تولید د ملاتړ د مرستیال په توګه؛ او همدارنګه حاجي محمد یوسف مهمند، حاجي عبدالروف کاکړ، حاجي سیفالله اچکزی، حاجي مسعود راحت، حاجي محمد ظاهر اچکزی، حاجي نعمتالله پوپل او حاجي داود بارکزی د مدیره پلاوي د نویو غړو په توګه د ښاغلي الحاج سید کریم هاشمي، د افغانستان د سوداګرۍ او پانګوونې اتاق د عمومي رئیس لخوا په غونډه کې حاضرینو ته معرفي شول.
ښاغلي هاشمي دوی ته د دې ستر ملي مسؤلیت مبارکي وویله او له هغوی یې وغوښتل چې د خصوصي سکتور او د هېواد د خلکو د خدمت لپاره ځانونه چمتو کړي. په عین وخت کې ټولو معرفي شویو غړو د خصوصي سکتور د یووالي د ټینګښت او د خلکو او ټولنې د خدمت په لړ کې خپله ژمنه څرګنده کړه.
