د افغانستان د سوداګرۍ او پانګونې اتاق د روغتیا کمېټې رئیس ښاغلي احمد ضیاء عظیمي شینوزاده او د عامې روغتیا سرپرست وزیر ښاغلي وحید مجروح د کابل د خصوصي روغتونونو له مسؤلینو سره د لیدنې په ترڅ کې د ملي روغتیايې جشن د په لاره اچولو په تړاو غونډه کې ګډون او ویناوې وکړې.
د عامې روغتیا سرپرست وزیر وویل چې ددی جشن د په لاره اچولو موخې د هېواد د ډاکټرانو د لاسته راوړنو د ستایلو او د هېواد په روغتیايې خدمتونو او ډاکټرانو باندی د خلکو د باور رامنځته کول دي.
ښاغلي مجروح وویل چې د روغتیا په سکتور باندی د خلکو د باور د زیاتوالي او د روغتیايې کارکوونکو د هڅونې لپاره په ۱۴۰۰ لمریز کال کې لاندې پروګرامونه د رئیس جمهور د تائید وروسته په لاره اچوي.
• د روغتیا تلویزیون رامنځته کول
• روغتیايې کارکوونکو لپاره ځانګړی ورځ ټاکل
• د ابو علي سینا بلخي په نوم مډال ورکول
• د کال بهترین ډاکټر
• د کال بهترین نرس
• د کال بهترین روغتون
ښاغلي شینوزاده وویل "حکومت باید د خلکو د روغتیايې اړتیاوو د پوره کولو لپاره په خصوصي سکتور په ځانګړی توګه د روغتیا په برخه کې د پانګه اچونې لپاره لازمې آسانتیاوې رامنځته کړي."
ښاغلي مهمند د پاکستان پارلماني پلاوي ته د ښه راغلاست ویلو تر څنګ، وویل "د افغانستان او پاکستان د سوداګرۍ او ټرانزیټ په لاره کې د شتو ستونزو او ننګونو د له منځه وړلو یوه لاره هم د (اپټا) تړون په عادلانه ډول تطبیق دی. د سوداګریزو اړیکو پراختیا او کلکوالې نه یواځې دا چې د دواړو هېوادونو په سوداګرۍ او ټرانزيت مثتبې اغیزې لري بلکه د دواړو هېوادونو د اقتصادي ثبات سبب هم ګرځي."
ښاغلي احمدیار ښاغلي ماموندزي ته د هندوستان لپاره د افغان سفیر په توګه د هغه د ګمارنې مبارکي وویله او د هندوستان سره د سوداګریزو اړیکو په پراختیا ټینګار وکړ.
ښاغلي مهمند د تاتارستان سوداګرو ته د ښه راغلاست ویلو تر څنګ، وویل چې افغانستان د روسي سوداګرو او پانګه اچوونکو لپاره د ټالک ډبرو، د معدنونو د استخراج، اوبلن ګاز، د انځرو او ممیزو او ځینو نورو محصولاتو په برخه کې د پانګه اچوونې لپاره تر ټولو ښه ځای دی او دا چې روسیه او افغانستان باید خپلو سوداګریزو اړیکو ته لا ډیره پراختیا ورکړي. 