د افغانستان د سوداګرۍ او پانګونې اتاق د مدیره پلاوي لومړي مرستیال ښاغلي محمد یونس مهند د افغانستان لپاره د ترکيې له سفیر ښاغلي اوزهان آرتغرل د لیدنې په ترڅ کې د سوداګریزو اړیکو پراختیا، افغان سوداګرو ستونزو او ګډو همکاریو په اړه خبرې اترې وکړی.
په دی لیدنه کې ښاغلي مهمند د ترکيې سفارت د بلل کیدو په تړاو مننه وکړه او د سوداګریزو اړیکو د پراختیا، په ځانګړي توګه د هوايې دهلیزونو موضوع او ترکیې او اروپا ته د ترکیې له لارې د افغان محصولاتو صادرونې او همدارنګه د تعلیم او پوهنتونونو په برخه کې د لازمې همغږۍ او آسانیتاوو د رامنځته کولو په تړاو د نوموړي سفارت د همکارۍ غوښتنه وکړه. سربیره پردی هغه په خوست، پکتیا، پکتیکا او لوی ننګرهار ولایتونو کې د ویزو اخیستو ستونزې هم ذکر کړې او د ترکیې له سفارت څخه یې وغوښتل چې په دې ولایتونو کې قونسلګري خدمات وړاندې کړي.
د افغانستان لپاره د ترکیې سفیر ښاغلي آرتغرل د افغانستان او ترکیې تر منځ تاریخي او اوږدمهاله اړیکې په یادولو سره د دواړو هیوادونو ترمینځ د سوداګرۍ او اقتصادي اړیکو پر پراختیا ټینګار وکړ او د ښاغلي مومند د وړاندیزونو او افغان سوداګرو ستونزو ته د حل لارو پیداکولو په برخه کې يې د خپلو هر ډول همکاریو ژمنه وکړه.
لومړی د کمیسیون کاري پلانونه او د راتلونکو ټاکنو لپاره د عملیاتي پروسې اصلاحي تدابیر د ټاکنو د خپلواک کمیسیون ښاغلي رئیس له خوا ښاغلي احمديار او ښاغلي فارابي ته بیان کړی شول او دوی يې هر کل وکړ. په ځانګړي ډول د بایومیټریک وسیلو په کارولو او د بریښنایی پېژند پاڼو باندې د ډیر څه تاکید، او همدارنګه په سیسټم کې د رای ورکوونکو لیست تعدیل او د رای ورکوونکو نومونو لیکل یوه هغه موضوع وه چې د افغانستان د سوداګرۍ او پانګونې اتاق عمومي رئیس ورته لیوالتیا څرګنده کړه. 
ښاغلي عطايې زیاته کړه چې د افغانستان د سوداګرۍ او پانګونې اتاق د هېواد ترټولو پخوانۍ اداره ده، چې د هېواد په اقتصادي او سوداګریزې ودې او پراختیا کې يې ارزښتناک خدمات وړاندې کړي دي او د خصوصي سکتور غړیو، اتحادیو، کوپراتیفونو او د خصوصي سکتور یو شمیر غړیو استازیتوب کوي. خو له بده مرغه په ډیرو اړینو موضوعاتو لکه د افغانستان د سولې مذاکراتو کې ورته ځانګړی ځای نه دی ورکړل شوی.
ښاغلي الکوزي ټینګار وکړ چې د پولیسو د پوستو رامینځته کول او په لویو لارو کې د موټر چلونکو څخه غیر قانوني پیسې اخیستنه د اندیښنې وړ خبره ده، او د دې وضعیت دوام د ترانسپورټي شرکتونو په کاروبار ناوړه اغیزه کوي او د دوی د زړه ماتیدو سبب هم ګرځي. نوموړي پر حکومت غږ وکړ چې د دا ډول زورواکو مخه ونیسي او د ټرانسپورټي شرکتونو کار ته دوام ورکولو لپاره عملي ګامونه واخلي او دوی ته لا ډیرې اسانتیاوې برابرې کړي.
په دی ناسته کې د اجنډا شاملې موضوعګانې د ښاغلي باز له لوري ګډونوالو ته وړاندې شوې او د اتاق د تشکیل، بودیجې، د بدخشان ولایتي اتاق ځمکې، د اتاقونو قانون او د اتاق د شته ستونزو او نورو وړاندیزونو په اړه د تفصیلي بحث څخه وروسته لازمې پریکړې ونیول شوی.