د خصوصی سکټور اوچت غږ

05
پنج شنبه, نومبر
11 New Articles

د افغانستان د سوداګرۍ او پانګونې خونې عمومي ریاست د خدمتونو مرستیال د روسیې فدراسیون د ملي یووالي ورځې د نمانځنې په مراسمو کې ګډون وکړ.

چهارشنبه، د لړم ۱۳مه، ۱۴۰۵
 
د افغانستان د سوداګرۍ او پانګونې خونې عمومي ریاست د خدمتونو مرستیال ښاغلي الحاج عنایت‌الله صدیق‌زي د روسیې فدراسیون د ملي یووالي ورځې د نمانځنې په هغو مراسمو کې ګډون وکړ، چې په کابل کې د دغه هېواد د سفارت له لوري جوړ شوي وو.
د یادو مراسمو په څنډه کې ښاغلي الحاج عنایت‌الله صدیق‌زي په افغانستان کې د روسیې فدراسیون له سفیر ښاغلي دیمتري ژیرنوف سره وليدل او د افغانستان او روسیې ترمنځ د سوداګریزو او اقتصادي اړیکو د پراختیا، د دوه‌اړخیزو همکاریو پیاوړتیا، د پانګونې فرصتونو پراختیا او د دواړو هېوادونو سوداګرو او پانګوالو ته د لا زیاتو اسانتیاوو د برابرولو په اړه بحث او د نظرونو تبادله وکړه.
په دې لیدنه کې د دواړو هېوادونو د خصوصي سکټورونو ترمنځ د اړیکو پر پیاوړتیا، د سوداګریزو راکړو ورکړو پر زیاتوالي، د اقتصادي همکاریو د نویو فرصتونو پر پېژندلو او د افغان او روسي سوداګرو ترمنځ د مستقیمو اړیکو پر پیاوړتیا هم ټینګار وشو.