د لومړي ځل لپاره، د یوه چینایي پانګه وال لخوا په کابل کې د چینايي محصولاتو نندارتون په لاره واچول شو. په دې نندارتون کې یو شمیر چینایي او د چیني او افغاني ګډو شرکتونو خپل محصولات نندارې ته وړاندې کړل.
د افغانستان د سوداګرۍ او پانګونې اتاق د مدیره پلاوي لومړي مرستیال ښاغلي محمد یونس مهمند ددی نندارتون د پرانستې په مراسمو کې په افغانستان کې د چینايې سوداګرو د پانګه اچوونې لپاره لیوالتیا ته د اشارې کولو ترڅنګ، زیاته کړه چې د چین دولت له خوا افغان سوداګرو ته د ویزو صادرونه یوه ستره ستونزه ده او د چین دولت څخه يې په دی برخه کې د لازمو آسانتیاوو د رامنځته کولو غوښتنه وکړه. 
ددی نندارتون د په لاره اچوونکي ښاغلي یومینګ هوی د افغانستان د سوداګرۍ او پانګونې اتاق د هڅونو په پایله کې یو شمیر چینايې پانګه وال افغانستان ته د پانګه اچوونې لپاره راوستي دي.
چینايي سوداګرو او پانګوالو چې په دې نندارتون کې يې برخه اخیستې وه وویل چې که چیرې د پانګه اچونې لازمې آسانتیاوې ورته برابرې کړی شي، دوی د صنعت په ځانګړی توګه، د تعمیراتو رنګونو، بریښنا کیبلونو او پلاسټیک په برخه کې پانګه اچونه وکړي.
ښاغلي عطايې زیاته کړه "د افغانستان د سوداګرۍ د پراختیا په برخه کې د زراعتي پراختیا صندوق (ADF) اړین رول لوبوي او متشبثینو ته د مالي منابعو برابرولو او د (ADF) ورته نورو پروژو په تطبیق او تحقق کې اتاق د هر اړخیزې همکارۍ ژمنه کوي."
ښاغلي عطایي وویل "افغان سوداګر هڅه کوي خپل صادراتي محصولات په ځانګړي ډول زعفران د افغانستان د سوداګرۍ او پانګونې اتاق چې د هېواد د خصوصي سکتور یوه ملاتړې اداره ده په همکارۍ صادر کړي."
ښاغلي مهمند د هندوستان لپاره د افغانستان سفیر د هڅو ستایلو ترڅنګ، وویل " اوس هم د ترانزیت او سوداګرۍ ننګونې، د سوداګریزو توکو د ارزونې لپاره د سکینرونو نشتوالی، د مالي خدماتو نشتوالی او د افغان سوداګرو او هندي سوداګرو ترمینځ د شخړو په هوارولو خدمتونو نه شتون هغه ستونزې دي چې افغان سوداګر ورسره لاس او ګریوان دي او دی ستونزو ته د پای ټکي کیښودلو په برخه کې باید کوټلي ګامونه پورته کړی شي."
د سولې ریښې مؤسسې استازیو وویل "د سوداګریزې پراختیا او اقتصادي لوړتیا رامنځته کولو په موخه موږ هڅه کوو چې د افغانستان د زراعتي محصولات لکه؛ مساله جاتو، جلغوزو او نورو نوو محصولاتو لپاره په روسیه، سعودي عربستان، هندوستان او نورو هېوادونو کې بازار موندنه وکړو."
ښاغلي مهمند د ترکيې سفیر ته د ښه راغلاست ویلو تر څنګ، زیاته کړه " دواړه هیوادونه د شاه امان الله خان د واکمنۍ دمخه هم د دوستۍ ، ورورولۍ او همکارۍ اړیکې درلودې او دا ځل دوی د افغانستان لپاره د سولې د پروسې هرکلی کوي او غواړي چې افغانانو ته د سولې راوستو کې مرسته وکړي."