ښاغلي سید کریم هاشمي، د افغانستان د سوداګرۍ او پانګونې د اتاق عمومي رئیس، له ښاغلي ګل محمد رجب زاده، د کندز د سوداګرۍ او پانګونې د اتاق رئیس او د هغه د مشرتابه له غړو سره د اتاق په مرکزي دفتر کې ولیدل.
ښاغلي رجب زاده د کندز د اتاق د اوږدمهالو فعالیتونو او لاسته راوړنو په اړه معلومات وړاندې کړل او د خصوصي سکتور ستونزې یې د پاکستان د تجارتي ویزو د نه شتون په برخه کې یادې کړې او د اتاق د عمومي رئیس د همکارۍ غوښتنه یې وکړه.
ښاغلي هاشمي د خپلې اساسي موخې په توګه د خلکو او خصوصي سکتور خدمت یاد کړ او د هېواد د ټولو سوداګرو په اتحاد او اتفاق یې ټینګار وکړ. هغه د افغان سوداګرو د ستونزو د حل په برخه کې د هر اړخیزې همکارۍ ډاډ ورکړ.
چهارشنبه، د زمري ۲۹مه، ۱۴۰۴
