د افغانستان د سوداګرۍ او پانګونې اتاق او د حرکت ادارې ترمنځ د هر اړخیزو همکاریو تړون لاسلیک

د سوداګرۍ او پانګونې د ودې برخه کې د اتاق د سترو برنامو پر مخ بېولو کې د افغانستان د سوداګرۍ او پانګونې اتاق او د حرکت محترمې ادارې د همیشنۍ همکاریو په دوام ، د سه شنبې ورځ د 1399 کال د حمل په 12مه نېټه، د هر اړخیزو همکاریو هوکړه لیک د افغانستان د سوداګرۍ او پانګونې اتاق له اړخه د عامل پلاوي رئيس ښاغلي سید زمان هاشمي او د حرکت ادارې له لوري د دغې ادارې رئیس ښاغلي نور علم حکیمیار ترمنځ د اتاق د غونډو په تالار کې لاسلیک شو.

ښاغلي هاشمي، په تېرو کلونو کې د افغانستان سوداګرۍ او پانګونې اتاق سره د حرکت ادارې د پخوانیو همکاریو یادولو ترڅنګ هیله مندي وښوده چې د دې هوکړه لیک په لاسلیک سره ، اتاق وکولای شي خپلې ستر پروګرامونه چې د حرکت ادارې په ملاتړ به ترسره شي ، تطبیق او د هېواد اقتصادي پراختیا او د سوداګرۍ او پانګونې وده کې ګټور ګامونه واخیستل شي.

د یادولو ده ، چې د حرکت ادارې تل د افغانستان د سوداګرۍ او پانګونې اتاق سره د پراختیايي برنامو تطبیق کې همکاري کړې ده او د دغه هوکړه لیک په لاسلیک سره به ، د همکارۍ اړیکه پراخه شي.