د افغانستان د سوداگري او صنايعو د اتاقونو  ريفورم د بشپړيدو په حال كي دي .

د افغانستان  د سوداگري او صنايعو د اتاقونوعامل هيئت د (جي تي زيد) د موسسي په نوښت د يوه تجربه لرونكي كارپوه او مشاور چه په ډيرو آسيائي او اروپائي هيوادونوكي په مختلفو اقتصادي برخو كي لاس ته راوړني لري كوربه دي.

د ۱۳۸۶ كال  د زمري د مياشتي په ۲۳ نيټه لومړني غونډه چه په هغه كي د سوداگري او صنايعو د اتاقونو مالي او اداري مرستيال د اتاقونو داصلاحاتو د كميسيون د دارالنشاء رئيس او د سوداگري  او صنايعو د اتاقونو د عمومي رياست مديران او كار كونكي حاضروه جوړه شوه. دغه حركت چي د اتاقونو د اصلاح تشكيلاتي جوړښت او د دندو د لايحي د تثبيت په موخه د سوداگري د اتاقونو د قانون د تصويب شوي مسودي په رڼا كي چي په دي وروستيو كي د سوداگري وزارت له خوا هم تائيد شوي ده عملي شو.

د شانگهای 2010 کال د نړیوال نندارټون د جوړیدو په دوهم کنفرانس کی د سوداگری او صنایعو د محترم وزارت د پلان گډون کوونکی پلاوی 16 /   15  /     2007 نیټه .

1.      د افغانستان اسلامی جمهوریت له خوا گډون کوونکی پلاوی .

2.      عبدالسلام منیر په بیجنگ کی ا.ا.ج تجارتی آتشه.

3.      شیرین آغا سخی د افغانستان د سوداگری او صنایعو اتاقونو مرستیال.

4.      قاری محمد عالم د غالیو د صادرکوونکو اتحادئی رئیس .

په داسی حال کی یی په کنفرانس کی دنړی 170 هیوادونو لویو کمپنی گډون درلود موخه یی د ڼندارتون د غرفو دځای  د جوړولو په هکله دکار څرنگوالی وه یی هر هیواد د خپلو غوښتنو او ضرورتو په پام کی نیولو سره خپلی نظریی او وړاندرونه وړاندی کړل.

غونده د شانگهای د نندارټون د بیوری عمومی مدیر له خوا پرانیستل شو ورپسی د شانگهای ښاروال د 2010 کال د نندارټون په هکله خبری  و کړل . وروسته خبری کوونکو په نوبت سره د هغو فعالیتونو په هکله چی د ارتباط د سیستم ، برښنا ، انترنت، ترانسپورت او دانتقالاتو د تنظیم په برخه کی یی تر سره کړی دی خبری وکړی.

دکنفرانس په دوهمه ورځ گډون کوونکی پلاوی د نندارټون له ځای څخه ګتنه وکړه یی په هره برخه کی دنندارټون د جوړیدو د رهنما معلومات وړاندی کیدل.

ددوهمی ورځی په ماښام له آسیائی ، افریقائی ، اروپائی او امریکائی هیوادونو څخه کاری گروپونو په کنفرانس کی د هر هیواد د نندارټون د کاری څانگی له کواردنیتر سره خبری وکړی او خپل وړاندیزونه ئی وړاندی کړل. وروسته په جلا جلا لیدونو کي چی د هر هیواد استازی دبل هیواد له مربوط مسئول سره ترسره شوي د امکاناتو ، گډون ، آسانتیاوو په هکله پراخی خبری اتری وشوی. د افغانستان پلاوی د افغانستان د برخی له مسئول سره خبری وکړي چي په لاندی مسائلو موافقه وشوه.

      په تاکل شوی ځای کي دافغانستان لپاره غرفی په واک کی ورکول کیږی.

      د چین اړخ دافغانستان لپاره نندارټون جوړوی.

      د نندارټون ساحه په یوه مشترک کمپ کی چي د پرمختک په حال کی هیوادونو له پاره جوړیږی موقعیت لری.

      ستاسو هیواد کولای شی په خپله خوښه د خپلو مالونو سره سم د هال دننه دیکوریشن او ډیزاین جوړ کیړی د چین خوا دهغه مصرف ورکوی. او یا هم دچین خوا ستاسو له نظر سره سم هغه د مسلکی ډیزاینرانو په وسیله هغه تنظیموی او دهغه لگښت 650 زرو ډالرو څخه ورکوی.

      د پرمختک په حال  کی هیوادونو لپاره 324 متر مربع حای m9*18*18 په وریا توگه ورکول کیري.

      د چین اړخ اوبه او برښنا برابروی .

      د نندارټون 2% ساحه د سوداگری برخی او خرڅولو لپاره تاکل شوي ده. نوری ساحی د تبلیغاتو پامفلیتر او کمپیوتری نما گانو ټاکل شوی ده.

      د 650000 ډالرو د مرستي په هکله په G  فصل کی پوره معلومات وړاندی شوی دي.

      دغه پیسی په نقده دول نه ورکول کیږی بلکه د دیکوریشن او پوسترونو جوړولو لپاره چی د چینائی کمپنیو له خوا جوړیږی ورکول کیږی .

      د ترانزیت او ترانسپورت په هکله هم په G   فصل کی معلومات ورکول شوی دي.

      د نندارټون د تنظیم لپاره د مسلکی پرسونل دزده کړی په برخه کي د چین له خوا د 4 تنو کار ګرانو او مشاورینو لگښت ورکول کیږی البته دنندارټون د جوړیدو اثنا کی.

      د چین خوا د پنحوشپو لپاره په نندارټون کی د دوه تنو  vipمصرف تمویلوی.

      د افغانستان او شانگهای ترمنځ د څلورو تنو کرایه ورکوی.

      د افغانستان د غوښتنی په صورت کی له 7 څخه تر 10 ورځو پوری 4 تنو تریننگ.

      د 3 شپو لپاره د 5 تنو ژورنالیستانو مصرف ورکوی.

      دهغه مالونو لپاره یی په نندارټون کی وړاندی کیږی گمرکی محصول معاف دی البته د افغانستان خوا به د مالونو مشخصات مخکی له مخکی د نندارټون د جوړیدو مسئول ته ورکوی.

      د پورتنیو موافقو د تطبیق کولو لپاره دوه سندونه ضروری یی خانه پوری شي Theme statement  کومه غوشتنه موجود ده چی په فورمه کی TS شي د فورم نمونه په هغه کتاب کی چی سور پوښ لری درج ده.

               کله چی د غوښتنی فورم دک او تائید شی وروسته موافقت نامه امضاء کیږی . البته د 2008 کال د می دمیاشتی نه مخکي باید ټول اسناد                 تکمیل شی. مفصل معلومات وروسته وړاندی کیږی.

      د یادونی وړ ده چی ټول اسناد په دری توکو کتابونو کی ددی ضمیمه دي هیله ده چی ټول اسناد په دقیق ډول مطالعه او له هغه سره سم اجراآت وکړی.

      دغه  رازیو کاری تیم  Contact Team د ارتباط تامینولو لپاره ټاکل کیږی.