د ټرانسپورټ آسانه خدمتونو ته د ښځو د لاسرسي په موخه آنلاین ناسته وشوه

د افغانستان د سوداګرۍ او پانګونې اتاق د عامل پلاوي سرپرست رئیس ښاغلي شفیق الله عطايې په هغه غونډه کې چې د ټرانسپورټ آسانه خدمتونو ته د ښځو د لاسرسي په موخه د (IFC) له خوا په آنلاین ډول جوړه شوې وه، د ګډون ترڅنګ د ټرانسپورټ آسانه خدمتونو ته د ښځو د لاسرسي په برخه کې د شتو فرصتونو او ننګونو په اړه خبرې وکړی.

د غونډې په پیل کې د نړیوال بانک له خوا د اړوندې په موضوع په تړاو څیړنیز راپور، د ټرانسپورټ په برخه کې د ښځو شته ستونزو او ننګونو، په دی برخه کې د حکومت د اخستل شوو ګامونو او د تمویلوونکو هېوادونو د دریځ په اړه خبرې اترې وشوې.

ښاغلي عطايې د (IFC) د مسلکي غړو څخه د یادې غونډې د په لاره اچولو په تړاو ستاینه وکړه او د یادې ستونزې د له منځه وړلو په برخه کې يې د خصوصي سکتور، پانګه اچوونو، د کړنلارو د لا ښه والي، د خپلواکو او ګډو پانګه اچوونو یا (PPP)، او په دی برخه کې يې د حکومت بشپړه پاملرنه اړینه وبلل.

د غونډې په جریان کې د نړیوالې مالي ادارې(IFC)  سترې مدیرې آغلې وږمه مهمند کړوخیل، د مدني ټولنې استازیو او د کابل ښاروالۍ د ټرانسپورټ آسانه خدمتونو ته د ښځو د لاسرسي او په دی برخه د حکومت د اړوندو ادارو د اخستل شوو ګامونو په اړه خپل نظرونه شریک کړل.

د غونډې په پای کې د لا ډیرو همکاریو په موخه ټولو ګډونوالو مسؤلیتونه په غاړه واخستل.