آواز رسای سکتور خصوصی

17
شنبه, اکتبر
10 New Articles

رؤسای اتاق‌های تجارت افغانستان و تاجیکستان بر گسترش همکاری‌های اقتصادی تأکید کردند

چهارشنبه، ۸ میزان، ۱۴۰۴۵
 
الحاج سید کریم هاشمی رئیس اتاق تجارت و سرمایه‌گذاری افغانستان، در دیدار آنلاین با فرهاد شاه رحمان علیزاده رئیس اتاق تجارت و صنایع تاجیکستان، پیرامون گسترش روابط تجارتی، سرمایه‌گذاری و همکاری میان سکتور خصوصی دو کشور گفتگو کرد.
دو طرف بر افزایش مبادلات تجارتی، ارتباط مستقیم میان تاجران و سرمایه‌گذاران و برگزاری برنامه‌های مشترک اقتصادی تأکید کردند.
آقای هاشمی از تاجران و سرمایه‌گذاران تاجیکستان برای اشتراک در پنجمین نمایشگاه بین‌المللی امام ابوحنیفه (رح) در کابل دعوت کرد. در مقابل، رئیس اتاق تجارت و صنایع تاجیکستان نیز از هیئت افغانستان برای اشتراک در نمایشگاه بزرگ تجارتی و صنعتی تاجیکستان در شهر دوشنبه دعوت نمود.
دو طرف همچنان بر تبادل هیئت‌های تجارتی و تقویت همکاری‌های پایدار میان سکتور خصوصی دو کشور تأکید کردند.